熱刺周二證實，喺周日贏米禾爾6:0場英足盃八強戰傷出嘅哈利卡尼（圖）足踝韌帶受傷，但冇想像中咁嚴重，有望喺四月尾復出。卡尼料會缺席六場比賽，包括對車路士場英足盃四強戰，不過應該踢到4月30號主場對阿仙奴場英超倫敦打吡。卡尼今季試過因傷唞咗成個半月，一傷癒復出即刻喺倫敦打吡入波，就睇吓阿仙奴會唔會又俾佢用嚟磨刀啦。