佢像那銀河星星……咦，乜啲星成粒蛋咁嘅？講緊嘅係迪士尼樂園3月16日至5月28日舉行嘅「明星春日嘉年華」，今年繼續有近百隻由迪士尼朋友化身而成嘅趣致「花蛋」，等遊人根據提示喺樂園唔同角落搵晒佢哋出嚟，其中鐵甲奇俠、蟻俠、火箭浣熊、樹人、蜘蛛俠等仲係首次亮相。
踏入春天，米奇老鼠、唐老鴨等50個迪士尼明星朋友會着上春日新裝，參加「迪士尼明星嘉年華列車巡遊」。有朋自遠方來，《美女與野獸》嘅貝兒同野獸、《木偶奇遇記》嘅小木偶皮諾丘同蓋比特，以及《沖天救兵》嘅羅小飛、卡叔同阿德會相繼喺「迪士尼明星：本月之星」登場，同賓客互動影相。
而由即日至7月24日，「奇妙處處通」會員可以每位389元，帶同好友入園，會員即日起更可以一連六星期，每個禮拜去迪士尼樂園換一款珍藏版迪士尼「花蛋」徽章㖭！