接受外國資助，勾結外國勢力，中共一律殺無赦，以後參選港區人大代表嘅人士，千萬要注意嘞！事關全國人大會議噚日上午舉行閉幕會，就以2,813票贊成、13票反對及9票棄權，以達99.12%贊成率，表決通過《香港特別行政區選舉第十三屆全國人大代表的辦法（草案）》，係閉幕會11個表決中，成為獲最高贊成率通過嘅議案。
參選要簽「確認書」
新規定下，港區人大代表參選人嚴禁接受外國任何形式嘅選舉資助；如被揭發收咗外國資助，會由代表資格審查委員會核實、再由全國人大常委會確定當選無效。
新規定亦會要求港區人大代表參選人喺報名表上簽署聲明，要效忠中華人民共和國及香港特別行政區，並擁護中國憲法及香港《基本法》，即係同香港立法會選舉新增嘅「確認書」方向一致。若當選人被發現違反有關登記表上嘅聲明內容，會被確定當選無效，明顯收緊埋參選人嘅資格，而有外國國籍嘅人都唔可以參選咯！