遠睇這款日本出品露營燈好似平平無奇，但原來功能多得出奇，有些功能真係估都估唔到。研發這款名為「Playful Base Lantern Speaker Bottle.」產品是來自日本一間成立於2016年8月的初創公司ROOT CO.，設計概念以創意為先，所以集幾項功能於一身都好正常。產品本身是一個擁有120流明光度的LED露營燈，機身具備IP65防水防塵性能之餘，奇妙之處在於中間的圓柱體其實是一個水樽，可以用來盛載食水及飲料外，着燈時亦會因為飲料的顏色而令LED燈光變色，如加茶就會變成茶色燈，甚至乎可以加入冰塊或其加裝飾產生不同Pattern，非常有型。
但如果拆除水樽部份，產品又會變身成一個手電筒，在荒山野嶺照明都好方便。而最估唔到是露營燈下方其實還是一個藍芽喇叭，無線連接到手機後更可聽埋歌，以內置電池最長可聽到10小時音樂，續航力算唔錯；當然要同時聽歌兼着燈，操作時間就會降到6小時，但都算可接受。如果有需要更可另購配埋可同時為手機充電的防水6,000mAh外置電池底座「H2O Water Proof Battery IP65」，款式更同露營燈非常之夾。一盞露營燈能夠集多個功能於一身已唔簡單，而且7cm直徑加上21.5cm身高，攜帶時都幾方便，而且定價10,800日圓（約$730）亦唔算貴，4月5日正式推出，現時已可在日本Amazon訂購。
影片
https://youtu.be/3BXQKcnUVYg
資料來源：Amazon.co.jp
文：布偉倫
2017果籽繼續認真知味。識買惜用。行以求知。好事多為。重修舊好。
緊貼果籽報道，即like： http://fb.me/AS.AppleDaily
