練馬師姚本輝這晚（15日）唔老利，在頭場及第四場同雷神合作熱門「志友運」同「盈豐駿駒」都做阿二。
到了第五場三班1000米，姚本輝同柏寶合作陳慧琳父親陳崇偉有份的團體馬「鑽石巨匠」，9.1倍出擊僅僅失手做二奶，仲要係輸俾雷神座騎「威風霸皇」（蔡約翰馬房），呢位華人練馬師可謂黑到冇朋友。
反觀「威風霸皇」出奇地順利，12檔起步沿途留在馬群後，半條直路在雷神胯下後上一衝過晒贏頸位，季內第二次贏馬，超班實力表露無遺，單Win及組合獨贏A2分別派47.5及21元。
「威風霸皇」馬主係非常資深的滙豐團體，此駒之前由雷神騎過一次冇料到，只曾由羅理雅贏谷草1200米開齋，今仗與雷神重逢即勝，五歲新西蘭自購馬在港兩捷均贏谷草，沙田同泥地都未有上名紀錄。
第五場二至四名分別為「鑽石巨匠」、「旅遊多寶」及「電子群英」，四重彩派四萬四千幾。
雷神同蔡約翰攜手勝出「威風霸皇」之前，雷神已於第二場贏苗禮德馬房「威德將軍」，蔡約翰則有第三場「勁皇子」配柏寶建功，兩人各自起孖。