周三亞冠盃，兩支中超勁旅齊勝出，出線在望，其中F組的上海SP（上港）就主場贏浦和紅鑽3:2，分組賽全勝排榜首。
10分鐘，上港靠罰球攻勢開紀錄，侯克斬入禁區，紅鑽的阿部勇樹解圍，落到上港守將石柯的頭前，後者順勢一頂入網。完半場前，紅鑽門將西川周作出禁區外解圍，但被艾美度夫截到，傳予艾傑臣遠射轟入，助上港半場領先2:0。52分鐘，侯克接應門將顏駿凌長傳，力壓三名紅鑽球員，爆入禁區射入成3:0。
上港之後還有擴大比數的機會，奧斯卡杜斯山度士在62分鐘的射門被救到，到68分鐘有蔡慧康頭槌攻門頂斜。紅鑽在73分鐘靠巴西外援拿費爾達施華射入12碼破蛋，守將遠藤航在84分鐘再為客軍追多球，但興梠慎三在補時領紅，最終上港保住3:2優勢到完場，分組賽三戰全勝排榜首，而紅鑽則以六分排第二。同組另一場，西悉尼流浪者作客以3:2力克FC首爾，首爾三戰全敗包尾，而西悉就以三分排第三位。
至於H組方面，FC江蘇（蘇寧）靠拉美利斯遠射破門，作客以1:0擊敗日聯的大阪飛腳，亦以九分排榜首，出線機會高唱入雲。