現年35歲的葉翠翠前年閃嫁任建築公司副董事的周曉東（Raymond），去年11月宣佈造人成功，尚有兩個月便到預產期。腹大便便的翠翠自從離開無綫，不時在網上貼文，一時講食療，一時又跟網民討論護膚心得及陀B生活，變身成為KOL（Key Opinion Leader）。
做激光手術
不過，翠翠前日忽然在網上爆她剛去醫院為眼睛做激光手術，嚇得不少網民都問她發生甚麼事。原來大肚翠翠日前看到一則關於視網膜脫落的新聞，當中提及症狀包括出現閃光及飛蚊，由於她近月都有類似狀況，故立即找眼科醫生診斷，果然發現她左眼有視網膜退化情況，醫生建議她盡快做激光手術。
本報記者昨日聯絡翠翠，她說手術很成功：「聽到醫生咁講都驚㗎，嗰時又一個人喺診所，好彩老公咁啱喺中環，等老公嚟咗陪我就即刻上去做激光手術，大約10分鐘就搞掂。」翠翠續謂：「本來唔想阻住老公做嘢，又驚佢好擔心，但自己一個又驚喎，所以都係打咗畀佢。」
糯米糍冧夫
另外，翠翠最近愛上做「煮婦」，享受入廚樂的她最近經常整老公喜歡吃的糯米糍，她前晚11時多再於facebook貼相，還說老公要吃齋糯米糍，她則喜歡吃有餡料，有網民即叫她手術後應多點休息。
採訪：小米