九倉（004）上星期四公佈業績，又話想cut有線，又諗住分拆地產業務，刺激股價連日上升，公司第一副主席周安橋上周五亦以靚價減持少少套現過百萬元。
根據聯交所資料，周安橋上周五減持2萬股，平均價67.5元，套現135萬；佢手持498萬股九倉，估計主要來自公司畀嘅購股權，佢沽售呢批嘅行使價應該係46.9元，換言之，佢每股賬面約賺20蚊，袋到41.2萬元㗎。
其實幾位九倉董事之前都有行使認股權沽貨，好似掌櫃徐耀祥舊年11月就喺55蚊左右，沽貨套現1,650萬元。所以喺九倉呢個case，董事行使認股權沽貨，應該純粹等於出糧，唔係睇淡公司。