韓國整容風氣十分盛行，唔少人去整容時都會參照明星個樣做辦。
事實上做得藝人個樣都有咁上下，俊男美女，佢哋個靚樣就係佢哋嘅標誌，而佢哋嘅樣有價有市，早前就有韓國綜藝節目報道有關明星個樣值幾多錢嘅報道，好似投保保險一樣，明星個樣都好保值。
當中人稱「天然美女」嘅金泰希，佢嘅靚樣一向令唔少韓國女仔都想好羨慕，據了解金泰希額頭、眼睛同埋下巴呢張黃金比例靚樣，金泰希靚樣就價值10億韓圜(約680萬港元)。「國民初戀」秀智嘅一雙眼睛咁迷人，呢雙眼睛就價值8億韓圜（約544萬港元）。
至於韓劇《未生》女星姜素拉一雙長腿令人留下深刻印象，佢一雙美腿價值6億韓圜(約408萬港元)，就連韓國女神全智賢嘅一把長髮同樣有市場，佢嘅長髮值5億5千萬韓圜(約374萬港元)。
男星方面，佢哋個樣都好保值，好似男神宋仲基啲皮膚就值4億韓圜(約272萬港元)，《鬼怪》男星李棟旭嘅紅唇就值4億5千萬韓圜(約306萬港元)。