大家咪以為睇緊《少林足球》，真係有人攞住武器衝入球場想打人囉。周日夏德同列積卡喺克羅地亞進行聯賽大戰，最終踢成1:1。臨完場前，有個揸住鐵通嘅黑衣蒙面男人（右）衝入球場想打個球證，好彩夏德隊長尼薛斯出手，場面先至受控。過咗一陣，球場內嘅保安同警察先知有球迷手持武器衝入球場，於是嗱嗱臨夾佢走。