真打得的曹星如，激戰十個回合才贏，擂台上每一秒都是埋身肉搏，無得閃，無得肉體行語言偽術，搏拳到最後一刻，痛到爆鼻，周身傷患，21場完勝，不是靠中央欽點，毫無異議，曹星如是香港獅子山精神至極的icon！
如果特首選戰行擂台制，睇吓邊個夠薑，好打就會贏，唔錯呀。家吓得把口，A字膊的人，被利益集團捧上天，攬過就當贏！政治包養出晒面！其實講到咁有為，點解唔以實力KO對手？反而出陰招，將失誤轉賬硬塞入對手戶口：係佢！以前一直無做嘢！我就唔同，拋個身出來，膽大到呢，半夜撲去便利店搵廁紙都唔驚，係怕白色恐怖啫！ 堅離地把網上唔啱聽的留言扭曲，形容自己是白色恐怖受害人！這就是326得中央支持任命而必然高票當選的未來特首的低手低能明證！正常拳賽，這種參賽者2.0回合就會被KO！可是326是絕頂畸形不公的對決，中央命令八百個選委抓隻生雞去拜堂！結果，雞啄了幾嘴便拿下金腰帶！雞犬升天，從此，愛打拼的香港人，難做。