大家都會叫又唱得又作得嘅歌手為「音樂才子」，而才子都會有成家立室嘅一日，除咗周董之外，仲有邊啲「音樂才子」做埋爸爸呢？
周國賢
現年37歲周國賢出道時被唔少人視為「男神」，不過佢自爆出道前已經結咗婚生埋女，有位韓籍太太李美英，而多年嚟佢同老婆生咗三位小公主。
王力宏
40歲嘅台灣音樂才子王力宏（Leehom）2013年同太太李靚蕾喺美國結婚，翌年做人成功，誕下大女王嘉莉，而去年Leehom再做老竇誕下細女王嘉娜，不過Leehom真係收得兩位寶貝女好密實，係佢嘅FB都只係得兩位寶貝女嘅背影。
汪峰
內地音樂人汪峰（45歲）感情生活非常精采，除咗喺前年同章子怡結婚之後生埋囡囡醒醒，之前佢仲喺2012年同女友葛薈婕生咗大女汪曼熙、之後再喺2015年同第二任太太康作如生咗次女汪璟怡。
庾澄慶
55歲嘅台灣歌手庾澄慶（哈林）就特別啲，佢喺2000年同伊能靜結婚，婚後仲育有囝囝庾翰睿，雖然09年離婚，不過雙方都有照顧囝囝。