特區政府就快換屆，邊個做特首仲未知，但前商務及經濟發展局局長劉吳惠蘭（Rita）就冇有怕，再度接受委任，冧莊公務員敍用委員會主席，任期由今年5月1日至2020年4月30日，為期3年。公務員事務局局長張雲正稱讚Rita任內有效監察公務員聘任、晉升同紀律等，有超卓領導才能同管理經驗。
Rita早於1976年加入政府當政務官，2008年接替馬時亨成問責官員，出任商經局局長。最為人認識係佢在任商經局時，曾經積極鼓勵王維基申請免費電視牌照，但結果呢，香港電視被foul出局。2011年Rita因患腸癌辭官，3年前先出山做公務員敍用委員會主席。今次冧莊，唔知7.1之後，有冇機會撞番前直屬上司薯片叔呢？