前新聞主播黃紫盈（Connie）離開大台好幾年，瓣數越來越多，噚日就幫富衛保險記者會做司儀，仲專登着對橙色高踭鞋，襯番富衛個logo。
司儀工作固之然係Connie嘅主業之一，但其實佢仲係酒窖老闆，噚日同華華傾偈，都不忘sell自己間皇后酒窖Queens Wine。
Connie舊年同大學同學合資開酒窖，雖然佢唔似得同學係品酒師，但講到好酒都有板有眼，特別推介啱女仔口味嘅朱古力奶酒，仲話價錢好貼地，百幾蚊就有交易。
今日白色情人節，佢哋有唔少推廣，好似會同Princess Cafe合作推出特飲，實行皇后同公主拍住上。至於有冇打算擴充業務，佢話守業最緊要。