公民聯合行動舉辦嘅「2017特首選舉全民投票」，除咗喺設實體票站時有阻滯，理大唔肯借場，網上投票都出事，但唔係如上屆咁有黑客，而係有假網站。資訊科技界選委方保僑透過八方提醒市民，假網站係「 http://www.popvote.com.hk 」，同真網站「 http://www.popvote.hk 」好似，慎防誤入被盜取個人資料。
內地公司註冊
港大嘅電子投票採用Telegram系統，毋須喺官方網站輸入個人資料；據註冊資料顯示，假網站由內地互聯網服務商「成都西維數碼科技有限公司」註冊，註冊人則係香港公司「西部數碼國際有限公司」，該公司唯一股東亦係成都西維數碼的總裁何小江。2014年港大民研為政改舉行民間投票，當時曾經出現兩個假網站，網站註冊商都係上述公司，點會咁啱得咁蹺？