英國劍橋公爵夫人凱蒂妹妹皮帕（Pippa Middleton）今年5月將與未婚夫James Matthews拉埋天窗，據英國傳媒報道，由於近期哈里王子（Prince Harry）同美國演員女友Meghan Markle嘅戀情成為焦點，皮帕怕請佢哋兩個出席婚禮嘅話，風頭會被Meghan搶去，但係又唔可以唔請哈里王子。
所以皮帕就諗計仔，向賓客發出「只可帶配偶或訂婚伴侶出席」嘅規矩。由於哈里王子同Meghan仲未訂婚，所以變相係拒Meghan於門外。
其實皮帕喺家姐凱蒂大婚當日，因為禮服展露了佢渾圓嘅臀部曲線成為焦點，都搶咗家姐唔少風頭。