日本女排名將木村沙織（Saori Kimura）上個禮拜完成職業生涯最後一場球賽，加上已經俾日本男排球手日高裕次郎「封盤」，令唔少宅男抱頭痛哭。不過，近日有日本雜誌評選「2016-17全日本最魅惑胸部100強」，擁有36E上圍嘅沙織BB只係排62位，擺明話畀大家聽，體壇仲有幾位「好波之人」，你一定要識！
體壇中人排名最高嘅係第19位、28歲南韓高爾夫球手李寶美（Lee Bo-mee），佢唔只擁有34D上圍，而且真心「好波」架，喺日本LPGA巡迴賽攞過20個冠軍，更係連續兩年巡迴賽獎金王！
至於排30位嘅就係前花樣滑冰選手淺田舞（Mai Asada），雖然佢嘅體壇成就冇26歲妹妹、2010冬奧銀牌得主淺田真央咁高，但一對34E上圍就簡直「完勝」，自2014年「處女下海」推出泳裝寫真《MIRACLE MOON》後人氣急升，而家已經正式轉職為電視主持兼模特兒。
另一位上榜高球手，就係排55位嘅原江里菜（Erina Hara），29歲嘅佢喺日本LPGA嘅成績遠比李寶美遜色，但37F上圍輕易「吸睛」成為觀眾焦點！仲唔夠喉？效力國際米蘭嘅日本國腳長友佑都有位32歲靚靚演員老婆平愛梨，呢位擁有驕人身材嘅32歲電影《20世纪少年》女主角排第22位，叫做半個體壇人啦！