之前「送禮勤」在外國搵Link睇波撐紅魔被唔少網民插，不過事實上現時上網睇波都有合法渠道，好似美職聯Major League Soccer官方就剛跟直播機構Univision簽約，會在2017年球季內於Univision Deportes facebook Page直播22場美職比賽，會用上英語旁述，而且還會特別製作facebook獨家的40集「球賽日分析」節目。當然美職聯水平未必及歐洲頂級聯賽高，但都有唔少歐洲球星會過美職聯搵食，水準都有番咁上下。當然一季得22場直播唔算多，而且如第一場直播3月18日阿特蘭大聯對芝加哥火燄戲碼亦未算太吸引，但facebook live直播運動場事確實有得做，如日前Huawei facebook live直播曹星如21連勝的比賽就得到超多好評。
資料來源：MLS
文：布偉倫
2017果籽繼續認真知味。識買惜用。行以求知。好事多為。重修舊好。
緊貼果籽報道，即like： http://fb.me/AS.AppleDaily