古語有云「技資磚頭最保值」，有見及此唔少藝人都有買磚頭嘅習慣，就算唔買呀，睇咗當買咗都開心吖嘛！
楊怡 羅仲謙
羅生羅太O依家結咗婚梗係sweet啦！其實佢哋喺婚前已經有晒planning，喺前年4月佢哋一齊去咗位於紅磡嘅將軍澳日出康城新樓盤緻藍天示範單位，佢哋仲低調咁排隊戴口罩睇樓，睇嚟當時都係為咗婚後嘆二人世界做準備。
王祖藍 李亞男
結婚兩年嘅王祖藍李亞男，佢哋就話一年後先生B，o依家就想嘆下二人世界先，無他嘅！事關佢哋喺大埔逸瓏灣買咗間1.2億元豪宅，個呎價仲破埋屋苑紀錄，間豪宅又有私人空中泳池，點可以唔嘆下二人世界先呢。
黃心穎
唔知圈中夫婦，未婚嘅都會單拖睇樓，就好似黃心穎咁，佢去年8月着到靚靚咁現身喺位於銅鑼灣世貿中心嘅筲箕灣新盤形薈示範單位睇樓（相關新聞： http://bit.ly/2mW8DPQ ）。不過其實黃心穎都唔使擔心樓呢個問題啦，事關緋聞男友馬國明都有間千萬太古城單位揸手。
吳啟華
不嬲都投資有道嘅吳啟華，又點會唔投資下磚頭呢，佢喺去年中被捕獲睇完西貢逸瓏園喺大角嘴奧海城嘅示範單位之後，唔夠一個星期再睇位於九龍灣Mega Box嘅皓畋示範單位，似乎好有入市意慾咁噃！