星爺周星馳當年拍喜劇，大家都記得「綺夢」張敏、「最佳拍檔」吳孟達……仲有「夢中情人」鍾麗緹(Christy)!
佢喺《破壞之王》演女學生鍾麗緹，化身星爺夢中情人，喺《97家有囍事》演小萱又做同星爺做一對，昨日有台灣報道指，鍾麗緹早前喺大陸一個綜藝節目講當年好欣賞星爺嘅才華，後嚟知對方想移民加拿大，不過因為「黑道背景」有牽扯而被拒絕多次。
據報道講鍾麗緹就同星爺主動告白，暗示只要佢哋結婚就可以實現對方「想移民加拿大」嘅願望，因為她持有加拿大護照，結果被星爺當場拒絕，時至今日佢都「想不透為甚麼」。
不過，據知唔係台媒，呢個訪問係鍾麗緹喺2015年上大台節目《娛樂3兄弟》上面講。傳吓傳吓…又變咗大陸一個綜藝節目講噃!