聽到「十優港姐」麥明詩呢個名，相信大家都會諗起其「前大律師男友」林作，不過除咗緋聞之外，其實麥明詩家人都非常之有料。
麥爸爸係聖公會林護紀念中學副校長麥卓生，而麥媽媽麥何小娟都非常之咁犀利，喺佢嘅FB專頁入面見到佢報稱係資深職業治療師之外，佢仲有一系列嘅學歷，當中包括澳洲墨爾本大學教育碩士、澳洲蒙納許大學資優教育大學後文憑、澳洲新南威爾士大學衛生行政碩士、香港理工大學職業治療專業文憑。佢仲喺香港、澳洲、美國（兒科）嘅註冊職業治療師，去年做出書分享育兒心得O添！
而麥明詩哥哥比起「十優港姐」都不惶多讓，比麥明詩大三歲麥明山，2013年喺香港中文大學醫學院畢業，O依家係醫生，麥明詩不時都會post同哥哥嘅合照上網，仲有網民讚有明星相o添！