24歲林頴彤（Bella）由細個俾外公叫做「波波B」到長大被高登仔執封為「Bella BB」，上年憑大台劇《城寨英雄》演悲慘孖辮妹「李懷鑫」，第一次險被姦，之後又被其他人輪姦，因「姦」人氣急升!
Bella前年8月同藝人容天佑拍拖，半年後喺微博晒合照公開戀情，點知上年播完《城》後，佢喺去年8月尾自爆同男友容天佑分咗手，自認事業得意，愛情失意，仲話要搵相處方式，大家做番朋友，仲次次出活動都扮宅女，自稱單身!
佢上年中秋先話冇人約，要喺屋企做宅女，聖誕又話單身過節想匿埋，仲話阿媽唔想佢拍拖，教佢搵男友要睇清楚，要有責任心，叫佢俾心機做嘢，唔心急拍拖，今年2月出嚟，佢繼續扮單身，佢話搵男友一要搵「素男」，慢慢感染男友同佢一齊食素。
之不過《蘋果》日前(9號)影到Bella同容天佑約會，不知幾恩愛，即係佢哋根本冇分手，只係將戀情由地面，轉去玩地下情!曳曳喇!!