人生如戲，有更生人士將自身經歷化作電影，透過大銀幕分享其更生道路，由吸毒、淪為毒品拆家，最後竟由母親舉報自己，落入鐵窗生涯。看着歷史再次在鏡頭下重演，阿強（化名）曾痛恨媽媽的絕情，但當在囚時見到媽媽哭成淚人，頓時明白「佢做呢個決定嘅時候，個心一定仲痛過我」。母親的真情喚醒這位17歲的小伙子，令他學會坦然面對更生路，冀藉經歷影響他人。
阿強15歲時因朋輩壓力初嘗毒品，「想埋堆，自己又好奇，見到佢哋食K仔都想試，結果試咗返唔到轉頭」，不用一星期便染上毒癮，朋友隨即鼓勵他成為拆家，以賺取K仔，更曾於地鐵站交收毒品。因為把一包毒品遺留在褲袋，被媽媽發現他販毒，親自報警舉報兒子。
人贓並獲，阿強被捕後得悉媽媽告發自己，「嗰吓都幾嬲，始終都相處咗十幾年，真係估唔到會告發我」。他還柙待審期間堅拒與媽媽會面，最後被判囚一年兩個月，於歌連臣角懲教所服刑。兩個多月後，他在囚中首度與媽媽會面，「我好記得嗰日佢全程講唔到嘢，喺到喊，嗰吓都幾心痛，就係嗰吓，本來嬲都即刻冇晒，佢喊嚟係為邊個呢？」
「點解自己以前咁白癡」
母親哭成淚人，令阿強當晚輾轉反側，開始反省並體諒，「我敢相信，佢做呢個決定嘅時候，個心一定仲痛過我」，及後改過自新，經歷艱辛的戒毒過程，「好焦慮，自己打自己都試過」，但憑意志終成功戒毒，「佢（媽媽）以為我只做拆家，唔知我都有食，嗰時都無膽同佢坦白，出到嚟先講」。
阿強前年8月完成刑期，出獄時媽媽再哭成淚人，「自己去攬住佢，以前會覺得好尷尬，但原來做唔到反而仲慘」。本月踏入18歲，他比同齡人經歷更多，踏上更生道路，他認為最重要「要過到自己嗰關」，切勿自我歧視，「錯嘅就要認啦，識改過就會變好，腳踏實地，平平淡淡都唔錯」。他在獄中重拾書本，考文憑試獲6科17分成績。現為侍應的他努力儲錢報讀高級文憑，目標今年入學，「想報出版設計課程，對雜誌工作有興趣」。
懲教署更生先鋒計劃推出三輯教育微電影，其中阿強的故事被拍成《真愛》。大銀幕下重看經歷，阿強笑言「會諗起點解自己以前咁白癡」，但他樂意分享經歷，「希望人哋可以從中吸收到啲嘢，錯嘅得我一個已經夠啦，有啲人因為我嘅經歷而免於承受呢啲經歷，我已經好滿足」。
■記者紀靜雯