慨嘆難找色香味俱全魚蛋粉

慨嘆難找色香味俱全魚蛋粉

【本報訊】雲吞麵,行內稱為「蓉」,份量細少,視為解饞之食。何冠明年輕時遠赴海外讀書,曾遇上搞笑經歷,「雲吞麵嘅矜貴之處,在於夠的骰,但嗰間舖頭整嘅係乒乓咁大粒雲吞,一啲都唔好食。」除了細蓉之外,魚蛋粉也是何冠明最愛,不過他大嘆,現時已難找到色香味俱全的店家,「其實啟發咗我哋,證明如果堅持唔到品質、食客唔認同你,你就收得檔。」
租金、食材成本樣樣升,對食肆經營有莫大影響,而對於這間雲吞麵老字號而言,製麵、煮麵技術傳承,也是一大難關。何冠明不諱言,「有啲人選擇『將貨就價』,結果搞到行內良莠不齊,啲麵亦處理得唔好。老實講,要為賺錢而賺錢,好多行都得。」
事實上,為何洪記打江山的一班老臣子,早年已陸續退休,被問到會否擔心出現青黃不接等情況,何冠明稱對一批年輕新血很有信心,「最緊要唔好一言堂,互相交流下囉!有時巡舖,我都會落場同師傅切磋吓,老闆係樣板嚟㗎,互相尊重先感染到班同事跟我嘅諗法走。」