前晚好多人睇網上直播支持「神奇小子」曹星如打拳，當中包括康宏行政總裁莊偉忠，但唔知點解，有網友叫莊偉忠幫手fight for HK時，佢竟然有感而發咁話「𠵱家係傷疲之身，無能為力」，完全唔似以往精力十足嗰個莊偉忠。
細心諗諗，莊偉忠自從舊年9月心臟病發跨過死門關後，即使復工幾個月，都冇乜公開露面，更加冇做過訪問，最多只係見佢po相po文上facebook，佢家陣形容自己「傷疲之身」，唔通仲係好病？
明查暗訪一輪，原來莊偉忠身心狀況良好，只係說話速度比以前慢，佢以前一向口齒伶俐，忽然要慢落嚟，所以需要大家畀啲時間佢，就係咁箒，佢嘅粉絲唔使擔心，佢依然活躍於fb，以文字會友。