【本報訊】由金融業轉投飲食業逾卅載，何冠明坦言，最近確曾想過與太太一同退下火線，將生意交付兒女及女婿打理，「我年紀都唔細，唔通仲霸住個位咩？差唔多係時候接棒，我冇乜精力可以兼顧咁多瓣。」
回想兒子何敏誠當年決定辭去銀行工作，回到何洪記幫手，何冠明亦堅持一定要保留傳統，「佢話唔想撈，咪畀佢返嚟試吓囉，一樣係由低做起。樓面、清潔乜都要做，最難係學點面對『人』嘅問題。」所指的，是怎樣與同事有傾有講、獲得員工信任，「家族生意又點，工時長、體力不足等等都要克服㗎。」
至於女婿鄭宇成（Joe），現為正斗飲食集團行政總監，由商界轉行投身飲食業十多年，「百足咁多爪」，經營日式放題、任食雞煲之餘，亦開設高級火鍋店。
問到對女婿有何評價，何冠明笑言年輕人總是太多心，「有勸過佢㗎，不過年輕人有idea係好事嚟嘅，但一定要落手落腳去做、冇得懶。」即使前人種樹，後人成功亦非必然，「做老闆最緊要將身段放低。每個行業如是，一剎那光芒好快會黯淡，唯有投入先可以做得好。」