澳洲男星、狼人曉治積曼（Hugh Jackman）於4年前發現患上基底細胞癌後，上月因第六度復發而接受手術。原來同樣來自澳洲的河國榮，亦患上同一皮膚癌，前日河國榮突然在facebook上載兩張頭纏繃帶照片說：「手術成功！耳子後邊的基底細胞癌今早切割了。」
「少少腫流血」
記者前晚致電河國榮時，他精神不俗，第一句還自稱是喬寶寶。問何時發現有癌細胞？他說：「去年底忽然發現右耳耳背有少少腫，而且不斷流血，抹乾淨又再流，而且size開始大，知道唔係普通整傷，醫生話係常見嘅一種皮膚癌。」不過河國榮找整容醫生做手術，他說：「睇普通醫生嘅話，割完之後會有一個窿，一邊耳仔會凹咗，所以要搵整容醫生。」
前日上午8時許，河國榮做了個多小時手術，傷口約一毫子硬幣大，他說：「醫生割出嚟之後，即刻扯耳仔周邊嘅皮嚟遮住佢，兩、三個月之後應該唔覺眼。」問到病因時，他說：「醫生話我喺20、30年前曬燶咗。」
夾耳仔兩日
河國榮指手術後要夾住耳仔兩日，防止傷口皮膚變形，他說：「所以𠵱家扮緊波斯王子。夾住兩日，跟住可以除膠布，可以洗頭，但唔可以做太刺激運動，因為會令啲血湧去傷口，會慢慢變形。」他表示傷口癒合後要搽太陽油六個月。當日獲悉患上皮膚癌時可有擔心？河國榮說：「冇乜㗎喎！因為佢細細粒，同埋醫生話唔係惡性，呢啲嘢唔係你話事。」河國榮前晚已回家休息，揚言連止痛藥也不用食，而他昨日下午到天光道欣賞香港板球會舉辦的國際賽，並於今日復工進行拍攝工作。
採訪：魯吉