中大同港大年年舉行「兩大校長盃」教職員足球友誼球，但今年呢場球賽特別有意義，港大校長馬斐森同中大校長沈祖堯都係最後一次以校長身份參與球賽，但兩位都冇披甲上陣，全程只在旁觀賽打氣。
祖堯BB冇心水
自從馬斐森做咗香港大學校長後，港大未曾贏過，今次中文大學亦最終以2:0繼續贏香港大學。
雖然冇臨別秋波落場獻技，但祖堯BB喺場外一樣好搶鏡，喺觀眾席上表情多多，手舞足蹈，又同馬斐森自拍；講到特首跑馬仔，佢期望特首候選人同後生仔多啲對話，有更多出路畀年輕人發展，至於邊個候選人先做到佢嘅期望？祖堯BB好玄咁話每個候選人都有獨特之處，選後先知邊個做到。