【本報訊】鑽法律罅借專才計劃移民香港是行內皆知的秘密，有移民顧問坦言，用錢買來的專才申請其實存在欺騙當局的成份，並不合法，而風險是貴客自負。
「從一個普通人，包裝成一個香港想要嘅人，都係睇包裝」。阿Ray（化名）現年34歲，任職於內地某大移民公司，是個地道香港仔，協助過不少內地人成功移民香港。記者以幫內地朋友查詢為由約他見面。
首兩年簽證索價200萬
Ray說香港重視貿易、金融IT行業，若曾任職知名公司，移民香港不難，但如果學歷及工作經驗只是平平：「我哋提議睇吓有冇朋友喺呢邊開公司，或者直接用錢去換取一間香港公司僱用你。用錢喺香港搵間公司僱用你，通過文件上真實嘅僱傭關係，實情就是一個虛假嘅僱傭關係，嚟獲取香港專才身份，呢個係一種途徑，但其實法律上不合法。」
他說相關服務價值不菲，交200萬給僱主，只包初次入境兩年工作簽證，其後如要續約須再加錢 。「如果你有需要，我有朋友嘅公司可以幫你，但唔提議。如果你虛報資料申請專才嘅話，被查出嚟，就以後唔使嚟香港」。
從事移民顧問七、八年，幫助不少內地人「走出來」，這個土生土長的香港仔卻逆流而上，在深圳定居，回來香港原因多數是直奔灣仔入境事務處，幫客人遞表拿證之類。Ray 說：「我老婆係深圳人，我喺嗰邊住咗幾年，工資差唔多但間屋大好多，當然住喺上面。
《蘋果》記者