方力申與鄧麗欣（Stephy）分手近一年，昨日早上一齊現身香港仔，參加點滴是生命所舉辦的15公里跑。大會安排了Stephy與其排球隊隊員早15分鐘起跑，當舉行起跑儀式時，她與小方及任賢齊上台，在場人士即起哄，二人雖並肩而企，但全程貌合神離，沒眼神交流。之後，眾人再移師到起跑點進行鳴槍儀式時，該會會長站在二人中間，二人互搭會長膊頭時，小方搭住舊愛Stephy的左手。
「冇避開幾有禮貌」
二人各自接受訪問，問到Stephy兩年前參加此項賽事時與小方是情侶關係，今次會否特別感觸，她表示：「順其自然，放鬆心情。」再問二人分手將一年，她表示時間過得快，問到心情可平復？她說：「冇成日諗，唔使話特別放低，順其自然。」
另一邊，記者問小方與舊愛Stephy在台上零交流，他承認說：「係呀，少啲！好真實，從來唔做戲，講嘢又唔知點。」再提到影大合照時主動搭住對方，他驚訝反問：「有咩？唔知，可能慣咗手，冇避開都幾有禮貌。」
小齊想去一樓一
對於分手將近一年，小方亦覺得時間過得快，對於有不少粉絲提起二人戀事，問到他是否長情及感觸，他即收起笑容感慨地說：「唔講咁多，冇力跑，梗有感觸，越講越唔知講乜，有句說話好啱，懷念只係回憶，多過懷念一個人同一件事，人係會繼續向前行。」對於二人同時與太陽娛樂約滿，Stephy表示會以自由身工作，問小方會否與她合組公司，他即表示：「梗係唔會，之前講過工作上各有各意見。」
此外，腰傷未好的任賢齊表示近日為找靈感寫劇本，特別造訪香港地道街景，笑言有興趣到訪一樓一。
採訪：馬建華
攝影：陳順禎