近日盛傳於巴士播足17年的RoadShow（路訊通），將於6月停播。RoadShow日前回覆傳媒查詢，未有否定這個傳聞，只以「不予置評」回應。而網民最關注停播後，再也見不到現年31歲的「數榜王」張紫櫻（車車），以及真名叫李健的「宿便Jacky」！
車車出身自新城電台，6年前加入亞視後，翌年因缺席亞視洗腦班而遭解僱，轉去RoadShow主持節目。車車前日接受《蘋果》訪問說：「最初形式係freelance，直到俾ATV解僱，正式簽經理人合約，簽咗兩年左右，公司之後有變動，但一直keep住合作。」
成team人好努力
有傳RoadShow快停播，車車表示：「我冇收任何停播通知，亦都唔敢問同事，等佢哋自己講。」她續謂：「當然希望唔係真，成team人一直努力製作自家節目，試過同梁祖堯合作《原汁原味》，去過香港好多地方搵食材，即搵即煮，例如去大澳買蝦醬，真係好好玩，上山下海乜都有。有次仲去農場搵豬，轉個頭又整豬扒喎。」
採訪：王連連、王梓嫚