任達華影相撐曹星如

任達華影相撐曹星如

香港拳王曹星如(Rex)昨晚在灣仔會展跟左撇日本拳王向井寬史對戰,鄭裕玲、曾江夫婦、任達華、趙世曾及女伴、余文樂、蔡一智、葉佩雯夫婦等撐場。熱愛攝影的任達華帶備攝影器材到場,他說:「好想幫佢影吓相,佢好代表香港精神,希望影完將佢收錄書中一節,但啲相會問咗佢先。」
曾江早前與Rex拍廣告,昨晚特別支持拍檔,他說:「我冇睇過佢現場,之前喺電視同上網有睇過片段,拳賽主要睇拳手,有料先好睇,好似Rex咁,體育嘅嘢最緊要支持,大家盡力打好拳賽最重要。」曾江欣賞Rex君子兼有體育精神,賽前呼籲不可噓對手。
採訪:曹家誠
攝影:沈健程