一場賽事每匹馬都會抽得唔同檔位起步，若然不幸抽得大外檔，就好有可能成為贏馬障礙，多數馬迷亦會覺得輸咗九成。
不過世事無絕對，周日（12日）就有匹出戰馬完全無懼大外檔難關，此乃第八場二班泥地1650米「貝連利」，
點解咁講？睇番此駒過往賽績，試過三次出賽都唔好彩抽到第14檔起步，但係呢匹馬都一一克服，三次都夠能贏馬而回。
見到咁嘅名次，不得不服「貝連利」對勝利的渴求，以及本身克服困難的能力，絕對配做「14檔專家」。
雖然「貝連利」今季跑過三次仍未開齋，惟已越跑越近，上仗在潘頓胯下輸得唔遠，而且潘頓今仗唔放手再騎，「貝連利」有幸再於14檔出閘，隨時借勢打開本季勝利之門。