由本月3日起為期十天的「第12屆大阪亞洲電影節」今日閉幕，今年共有16部競賽作品，當中5部是香港有參與製作的電影，包括《骨妹》、《七月與安生》、《一念無明》、《29+1》及《原諒她77次》。
昨日大會於香港時間黃昏5時多，率先公佈各組別得獎名單，廖子妤及余香凝主演、徐欣羨執導的《骨妹》先拔頭籌，廖子妤獲頒「傑出才能獎」。此獎評選準則是由評審委員從入圍競賽片中，選出有傑出表現、未來將更有前途的電影人。
曾國祥獲百萬
緊接《骨妹》獲頒獎項的是新導演黃進的作品《一念無明》，由余文樂、曾志偉及金燕玲主演，電影昨日獲頒大獎「最優秀作品獎」，曾國祥執導的《七月與安生》亦獲ABC獎，奪得100萬日圓（約6.8萬港元）獎金。泰國片《By the Time It Gets Dark》則獲Special Mention。
獲獎後的廖子妤向傳媒表示：「好榮幸同好開心，因為真係冇諗到，只係諗住畀大阪嘅觀眾睇到香港同澳門嘅電影。」她又說：「感覺係做做吓宣傳有個獎，好意外，係我演員生涯第一個獎項，好鼓勵性，亦都聽到有大阪朋友話以前喺東京電影節已認識我，睇過我嘅電影《同班同學》。」
「諗過係咪適合」
會否對之後爭金像獎更有信心？廖子妤坦言沒有想過：「之前諗自己係咪適合發展演藝事業，或者係咪真係演得咁好，今日證明觀眾同評審覺得我OK，金像獎唔諗住，怕越諗越緊張。」導演黃進則表示：「好開心好榮幸喺日本觀眾評審手上得到咁大殊榮，亦令我哋相信電影可超越界域同文化界限，希望電影可以連結大家緊扣一起。」
撰文：小米