夏韶聲為二胡大師霍世潔（左）的「二胡友情音樂會」擔任表演嘉賓，昨日在九龍灣綵排，二人已是第二次合作，夏韶聲說：「佢好謙虛，做主角但會推啲嘉賓行頭，今次合作三首歌。」霍世潔要他加碼，他說：「冇所謂，最緊要觀眾開心，佢哋叫到我會再唱，但唔會唔肯落台，大家唔叫我唱《空凳》我都會唱，不過香港真係好少呢啲樂器嘅騷，香港主打嘅係靚仔靚女。」