迷幻道友戲，20年前睇好high，20年後續集上畫，一樣令人投入。
迷幻列車，行走廿載，無一帶一路這種死蠢口號，對白乾脆f連f，但竟然比撐七警那句D你老母順耳好多。點解呢，道友，為粉死，為粉亡，先啪者賤，打死無怨。四條迷幻中佬，絕對唔會講「啪丸是小小技術性錯誤」或者「情緒上衝動了些少」再或者「如果無乜乜，就唔會乜乜」這些廢中之廢的蠢話。電影裏至惡那個逃獄佬叫做巴閉叔，踎監二十年，無人幫佢出聲鬧個狗法官，只有佢自己不絕口猛操那個唔好彩的盲毛律師。男人老狗，做得出就認，道友都明白的顯淺道理，點解香港有一班茂李係都唱反調？難道，粉上腦？中粉毒！所以才唔經大腦自比遭納粹殘害的猶太人！警方高層放生「納粹猶太警」，無捉佢驗尿，認真7777777敗！
蹲迷幻馬桶做特區盤點，20年來，河水犯了井水，廁所水沖走了腳痛的懵人，把用公帑住總統套房者沖向獨立囚禁的牢房。中佬和中產手上只得廁紙無選票，無奈收看特首跑馬仔，驚見主角青頭和色仔那句經典choose life對白，已經變成中國口音的choose lies！