【《蘋果》專訪】由黃良昇、蘇德華和單立文組成的樂隊Blue Jeans（藍戰士），在80年代憑《豈有此理》一曲成名，不過在1990年突然解散，當時所有人都百思不得其解，這個謎近日終於解開。日前主音兼創隊人黃良昇接受《蘋果》專訪，一頭長曲髮的他今年60歲，但身上仍然散發着一陣陣搖滾味，對於Blue Jeans解散，他直認不諱說：「係我提出㗎！夾band好容易嗌交，朋友都冇得做，唔知為乜。有時隊友要搵食呀，要好多方面發展，咁我冇理由阻住人發展㗎！」
拒做偽人
黃良昇亦相信當時有好多人怪責他作出這個自私的決定，他說：「我唔適合娛樂圈，因為我性格唔係好啱，要好市儈、好虛偽，全部都係我唔識做嘅嘢嚟，學極都唔識，咁冇辦法啦。」
時至今日黃良昇依然無怨無悔，他理直氣壯地說：「做咗嘅嘢冇得後悔，如果有得返轉頭，我老虎都叫李嘉誠啦，係咪？我冇理你識唔識欣賞我，我覺得做人最緊要有價值觀，做有意義嘅嘢，如果要去到大家都純商業，已經同音樂、藝術好似冇乜關係，咁我就唔玩喇。」
採訪：懷鈺、楊潔雯
攝影：陳俊強
場地提供：Blue Jeans音樂室
