特首選戰已經敲起鑼鼓，「薯片叔叔」曾俊華和另一參選人林鄭月娥開始造勢，曾太黃蓮華助夫找來森美、陳慧珊和林海峰等拍片力撐打親民牌。林鄭開facebook專頁，也借助明星效應，繼日前貼出蕭芳芳的打氣片段，林鄭前日又到灣仔藍屋講保育，撞正任達華在藍屋影相。林鄭野生捕獲華哥，也把片段貼上fb，但有畫沒聲，片中只見兩人有傾有講又握手。
不答誰是心水
記者前晚問華哥巧遇林鄭時，兩人傾談了甚麼？他說：「傾吓我影灣仔嘅嘢，影灣仔啲相，收集吓資料咁樣。」林鄭借明星效應宣傳，貼出在藍屋巧遇華哥片段，華哥卻大方說：「唔關事嘅，我都係影相，我都係嚟自灣仔，我嚟影相，明白嘅。」問到華哥對林鄭印像，他簡而快說：「好。」至於華哥心目中哪位特首候選人是心水？他則未有回應。
想寫灣仔故事
華哥表示自幼居住灣仔，留下不少難忘童年回憶，他對灣仔特別有情意結，華哥說：「我都係灣仔長大，好懷念灣仔嘅嘢，希望第日寫個有關灣仔嘅故事，寫部電影，個名就叫《我來自灣仔》。灣仔有好多唔同故事，佢係生命力好強嘅地方，係一個好好題材，我希望影多啲灣仔嘅相，希望多啲遊客嚟灣仔玩。」華哥前日帶着相機獨自遊灣仔，不但到藍屋拍照，更遊電車河。
採訪：陳杰
