【3.26特首決戰】
【本報訊】3名特首候選人前後現身香港記者協會舉辦的座談會，3人雖未有同場辯論，但不時隔空過招。候選人胡國興瞄準林鄭月娥開火，斥責港府常以不具名的消息人士身份辦吹風會，是暗角放暗箭。林鄭聲稱「從來唔做吹風會」，但有與會多名傳媒代表即場踢爆，指她任發展局局長時搞過吹風會、又曾為辦吹風會解畫，但林鄭在回應時改口稱，自己是說「絕大部份時候」不搞吹風會。
記者：呂浩然
胡國興昨日在座談會作總結發言時表示，「每日睇新聞嗰個感覺，就係問題多過答案」，指不少新聞均是不知消息來源，隨即指摘官員常以消息人士身份辦吹風會，企圖藉此影響民意，「不過講咗又唔肯認、又唔敢認」；之後更不點名炮轟林鄭月娥閉門解釋轉軚參選，是為免中央拒絕任命特首當選人，「唔知佢係咪長期喺政府工作感染呢個陋習」。
傳媒人即場踢爆
到林鄭的環節，吹風會問題再成焦點。林鄭回應記協主席岑倚蘭問到香港新聞自由排名下跌時，主動指自己不時以記協每年發表有關香港言論自由報告所載，會影響香港新聞自由的官方行為來「量度自己」，自詡表現合格，「因為我從來都唔做吹風會，亦都從來唔做頭先（提及）嗰啲隱蔽嘅消息人士」，聲稱自己有事要發表或澄清會以記者招待會向傳媒交代。
不過另一主持、資深傳媒人區家麟就以2014年5月政改討論期間，林鄭在傳媒午宴中，交代不接納真普選聯盟三軌提名方案為例，講明不能拍攝及錄音，「你覺得冇畀傳媒拍攝、錄音或者係畀記者去問問題，呢樣嘢你覺得係咪都叫開放呢？」林鄭即推說她要尊重主辦機構，「我哋無時無刻都有啲嘢係會閉門」；其後記協新聞自由小組成組麥燕庭再拆穿林鄭指出，「我相信呢度都應該有傳媒參加過你嘅吹風會，你仲喺席上為吹風會呢種安排解釋」。她憶述林鄭當時解釋舉辦吹風會因有官員資歷淺，「要佢哋（官員）對住咁多鏡頭講嘢，佢哋會驚㗎」。
這時林鄭即改口說：「我頭先講完都好小心畀個註腳，應該絕大部份時候都冇（辦吹風會）。」她並補鑊稱，從不主動安排吹風會，她任發展局長期間「透明到唔透明」，而且她很樂意分享政府的數據，重申辦吹風會、用消息人士身份等都不是她的風格。
