練馬師方嘉柏擅長訓練泥地馬，以往有「準備就緒」七戰泥地全勝，亦有「雲呢拿」於泥地六捷。
周日（12日）第一場泥地賽五班1650米，方嘉柏派上仗於谷草熱倒的「事必獲利」易地再戰。此駒季初兩捷後已連輸九場，評分已減到38分，比贏馬時還低兩分。
「事必獲利」季內曾在泥地一哩跑第三，拍住其後在泥地一哩取勝的「安友」衝過終點，今戰評分比該役還要低，形勢有利。
翻查紀錄，方嘉柏今季已有不少季內曾勝馬，經過一輪減分後再贏，最近就有「齊齊健康」季初29分勝出，之後重新減到30分成功爆冷。
今仗「事必獲利」出王牌轉跑泥地，隨時由蟲變龍，本身對上一次贏馬，正正就是由莫雷拉壓陣。
他說：「『事必獲利』今季曾在我胯下於四班贏馬，如今在五班作戰，當然有競爭力，泥地有根據，期望可再為方嘉柏建功。」