食飯好易肥？減肥一定要戒飯？食麵包好過食飯？營養師李龍家麒（Thomas）表示，很多人對食飯有誤解，以為食飯會令人攝取過多熱量致肥，其實一碗白飯的熱量只有約200千卡，反而是變成如港式茶餐廳的碟頭炒飯熱量才會大增，例如一碟揚州炒飯便高達1,200千卡。飯屬於澱粉質類食物，為人體能量的主要及必要來源，不應戒食。減肥不吃飯或只吃麵包，有機會導致能量不足，出現容易攰、脾氣差及精神不集中等問題，強調減肥也要有均衡飲食，並要「識揀」澱粉質食物。
記者：梁麗兒
Thomas指出，一般人吃澱粉質類食物如白飯，好難食到肥，除非經常大量進食。肥胖其中一個主因與進食太多高脂肪、高熱量食物有關。市民日常吃的白飯、米粉、通粉或意粉，每碗約200千卡。若在加工或烹調過程加入脂肪，例如醬汁、油份，才會變成高熱量食品。
致肥陷阱通常在碟頭飯上的醬汁如白汁、茄汁、芝士，或烹調過程中加入大量油份，例如一碟乾炒牛河就有970千卡、粟米肉粒飯更達990千卡。要作出聰明選擇，建議由少汁、少油，或「汁另上」做起。
一旦要減肥，亦毋須完全戒掉澱粉質類食物，最重要學識聰明選擇，包括吃無加工或少加工的食物，或進食以簡單方法烹調的食物，如白飯、清湯麵，就不易致肥。若餐餐吃炒粉麵飯，就好易積聚過多脂肪。
Lunch不食飯，剩係食麵包就會瘦？Thomas指出，其實麵包都屬於澱粉質類食物，當中也隱藏很多陷阱，因為不少人會在製作過程添加許多牛油、忌廉、或高脂餡料，例如牛角包、酥皮類麵包、丹麥條，或含有鮮奶、忌廉、午餐肉、肉醬或肉碎等餡料的麵包，都比較高脂肪，要小心選擇，「午餐剩係食包唔食飯，熱量雖然會低啲，但若脂肪為主，就會唔夠熱量，令人好快覺得肚餓，之後再搵其他零食，就得不償失」。
想輕輕鬆鬆健康?，記住留意健康蘋台
http://health.appledaily.com.hk/