退出樂隊幾年，黃良昇轉行做保險，十年前更試過破產，他說：「因為人原來好脆弱嘛，可能我同你傾完偈行落街俾車車死，我點解要受你氣？我點解要買你怕？我點解要包容你？大家要互相尊重㗎嘛。你可以當我係一個儍嘅音樂發燒友，OK，唔緊要，但係你唔好要我諗住一定要奉承你。」
四十年來冇錢都堅持玩自己的音樂，黃良昇是真正「喜歡音樂」，他說：「其實keep得好辛苦，可能係我好自私地自己夾硬嚟，例如你會交租先定買支結他先？我會揀買咗支結他先，最多瞓街。我一有錢就身痕，所以我個袋一有錢就希望畀晒老婆。」
正因為有個支持自己多年的老婆，為他誕下一對可愛的仔女，雖然黃良昇做不到搖滾明星，他活得比很多人都快樂，所以他非常感謝身邊的太太：「咁兩個細路其實係冇得揀，焗住支持我囉，有個咁儍嘅老竇。呢個係我嘅lucky，真係好感恩，我太太支持我咁多年，我愛你。」
