由出生到21歲女，無論居住同讀書都喺灣仔大嘅林鄭月娥，噚日特別到落區灣仔，行程到藍屋建築群睇睇。
呢個係重建灣仔項目之一，有別於一般保育項目，只保留建築物，藍屋將當時嘅住客都一併留低，既留屋亦留人。時任發展局局長處理藍屋保育問題嘅林鄭話，當時識咗堅決保育藍屋嘅街坊華姐，至今同對方都係好朋友，強調呢個係與民共議嘅好經驗。探訪期間佢仲遇上任達華，攞住部相機嘅華哥都有禮貌地同林鄭握手。
林鄭facebook專頁亦上載短片，擔任競選辦公室資深顧問嘅林建岳大讚林鄭，「Carrie做嘢叻啦，而且每件事情都肯學肯做，仲肯改㖭！我知佢𠵱家對八達通都熟咗好多㗎喇」。