禮拜日（12日）將有沙田八草兩泥，共十場賽事。草地就用最狹窄之C加3欄作賽，睇番最近2月11日同一移欄賽事，除了「加州騰龍」從中間位置衝上贏馬外，其餘頭馬全部守前四位入直路建功。
其中「笑春風」及「一定賺」更加一放到底掄元，前置馬在狹窄跑道明顯佔壓倒性優勢，留後靠追嘅馬好蝕底。
今戰列陣馬中，角逐第9場三班1600米的「美麗寶寶」上仗正是於2月11日田草C加3欄贏馬，勝後其練者大摩等番同一移欄再跑，強配潘頓必定為求添食。
另外，競逐第6場三班1200米的「萬事欣」，兩次跑田草C加3欄均非勝即位，練馬師告東尼配見習生蔣嘉琦策騎此均速馬，憑較佳場地性能有機會贏馬補中。
至於兩場泥地路程皆為1650米，睇番去年12月至今11場同程賽事，放頭入直路嘅馬全入前四名，故此頭場五班「漸信名駒」（葉楚航馬房）及八場二班「快無極」（徐雨石馬房）等擅跑泥地之快放馬可優先留意。