民生教育（1569）今日起招股，雖然喺重慶辦嘅大學就係威係勢，但原來呢間公司喺香港嘅聯營業務、香港能仁專上學院，3年嚟都係蝕緊錢㗎陰功！
民生教育除咗國內辦學，都有投資25.6%新加坡嘅培根國際學院，亦係能仁嘅兩名股東之一。慘在兩筆海外投資，往績紀錄期間一直錄得虧損。能仁喺2014年4月先取得經營執照，首個學年又冇好好準備招生，所以學生甚少，少到唔夠畀燈油火蠟錢咁囉。
噚日喺招股記者會上，民生教育行政總裁張衛平被問到，會唔會飛甩能仁，佢話冇咁諗過，家陣投資時日尚短，教育係睇長線云云，佢哋都有引入多啲新課程，希望有轉機。