《創世紀》「葉榮添」闊別大台多年，早前返去拍《與諜同謀》，未知係唔係觀眾覺得羅嘉良係好戲之人，對佢演出要求高，觀眾睇完開頭嗰三集，批評好壞兩極。
有周刊指日前羅嘉良約咗馬德鐘同郭政鴻食飯，清酒杯杯清，似乎有啲愁，有傳佢內地妻蘇岩以囡囡學業為理由，想搬嚟香港住，但羅嘉良一直唔想老婆同前妻方敏儀喺同一個地方，現在有啲為難。報道指上年9月，羅嘉良前妻方敏儀喺網上寫「怨恨是一杯毒酒」、「用別人的錯誤來懲罰自己，是一件非常愚蠢的事情」、「快樂過自己的人生，就能贏多少人心」。差唔多時間，羅嘉良老婆蘇岩喺微博留言「我從不抱怨、時時感恩，不跟別人計較」、「輸贏我想無須評判，也不必評判」，幾日後，方敏儀又疑似回敬一句「激怒你的人不能再激怒你」，蘇岩又寫「我有個好男人，愛我心切的女兒」。蘇岩同方敏儀先後喺網上「隔空開火」，句句似乎有回應，難怪羅嘉良咁煩惱。