現年36歲嘅張栢芝，依家係兩個囝囝嘅媽媽，不時都會出活動，又成日畀網民影到佢，所以栢芝嘅衣着一向都令人留心，好似日前咁，佢就着住一套運動裝，去到髮型屋，仲揸部紅色嘅法拉利，件衫同部車襯唔襯就見仁見智喇，不過栢芝嘅造型就一向都好飄忽，一時好靚、一時又好隨和。
喺上年嘅暑假，栢芝帶兩個仔出海玩水，玩咗一日臨走時竟然騎呢以大毛巾包頭！仲有呀，仲有一次，栢芝喺髮型屋啱啱享受完洗剪吹，但撞見警察抄牌，即刻着住人哋髮型屋件袍開走架車。
而栢芝着嘅顏色，都鍾情金色，有次栢芝去街市買燒味，都着住一條金色嘅裙，土豪味十足，之前喺內地出席頒獎禮，就着過金閃閃嘅連身褲，仲大騷deep V