有線球彩台主持阿占命中拜仁同皇馬，再次以5:1及3:1擊敗阿仙奴同拿玻里嘅首回合翻版波膽，連埋即時單頭波膽，全晚大約贏咗馬會150,000左右。
「其實開波前已買兩場入球大及兩個上盤，同埋開波前嘅過關波膽。去到半場，我睇完上半場嘅打法，拿玻里不斷壓前要攞第二球，皇馬三箭頭質素咁高，反擊很煞食，基本上戰術食住拿玻里，所以趁皇馬輸緊一球，拜仁輸緊一球，就買半場波膽過關二串三，投注額1,200蚊，每注10蚊，全部買皇馬及拜仁反勝，仲有3:3同埋和其他，最後好彩莫拉達入波，皇馬完場前開埋3:1，中到過關，賠率7,200倍，10蚊一注收咗七萬幾蚊。」