霆峰係男神呢件事，大家都知，佢拍埋《12道峰味》之後男神形象仲更上一層樓，又識做戲又識搵錢，加上識煮嘢食呢家嘢真係煞食！圈中廚藝了得嘅藝人又豈止佢一個，仲有佢哋！
杜汶澤
杜汶澤除咗拍戲又外，煮嘢食都有一手，喺佢嘅fb不時都會share煮嘢食嘅相，仲請唔少朋友返屋企食飯，真係好吸引o架...啲食物！而最近阿澤仲煮到上電視幫奇妙電視主持《杜汶澤食住上》，佢仲話每集會教一味餸o添！
蘇玉華
大台早年嘅《美女廚房》請咗唔少女星去展示廚藝，其中第一輯嘅蘇玉華參加嘅時候展示出驚人廚藝，佢仲係唯一一位參賽者拎到滿分最後仲以大熱姿態勝出做「美女廚神」o添！之後佢就開始拍唔少飲食名烹飪節目，仲出版埋烹飪書。
蔣怡
Model出身嘅蔣怡，雖然已經成為人母，不過仲keep得好fit，除咗扮靚犀利之外，佢煮嘢食都好犀利，仲喺倫敦接受過9個月嘅藍帶廚藝課程訓練，仲出埋書《蔣怡的藍帶成長日誌》。
李家鼎
原來大台一直有位「隱世廚神」，冇錯就係講緊鼎爺李家鼎，早前大台嘅《阿爺廚房》令到鼎爺神一樣嘅廚藝公諸於世，原來佢嘅廚藝喺傳承自生前係酒家老闆嘅爸爸。