大家稱之為嘅「男神」謝霆鋒，絕對係人生勝利組，感情得意就唔使講，又係影帝、又識煮嘢食真係不得了！最最最重要佢係公司老闆，唔好以為咁就完，其實霆鋒喺股市嘅財技都不得了！
大家都知霆鋒係後期製作公司老闆，佢喺2014年年底佢仲將佢嘅LUCRATIVE SKILL後期製作公司（LS）六成股權出售畀漢傳媒（491），而漢傳媒當時就以1.225億元嘅新股(即約漢傳媒18.98%股權)完成交易，而霆鋒仲做埋漢傳媒單一最大股東o添！
之後再喺去年初數字王國（547）公佈，以9,500萬元(以3,000萬元現金及6,500萬元票據支付)向漢傳媒購入LS 60%股權，同時又向霆鋒以4,000萬元新股支付，購入旗下25%後期製作公司股票，即係完成交易後謝霆鋒將會持有數字王國0.81%股權。
換句說話霆鋒同時持有LS 15%股權、漢傳媒18.98%股權及數字王國0.81%股權，轉個手霆鋒兩之買賣已經賺嘅股份喺當時嚟計已經係億億聲。